Nokon kjem til å kome
257
«Eit gamalt vakkert hus
Langt borte frå andre hus
og frå andre folk
Der du og eg kan vere åleine
Åleine saman»
Han og Ho flyttar frå byen for å være åleine saman. Dei skal isolere seg for å kunne gå heilt opp i kvarandre, i intens og rein tosemd. I trygg avstand frå sine tidlegare liv skal dei gi kvarandre ein ny start. Men huset dei flyttar til har ei historie. Nokon har budd der før. Snart dukkar mannen som selde dei huset opp, og set planane deira på prøve.
Drama
Malersalen
Premiere 28. september
Ca 90 min.
Inngår ikke i årskort
Om forestillingen
«Nokon kjem til å kome» av Jon Fosse er eit tett trekantdrama om tosemd, einsemd og korleis omverda kan bli ein trussel. Forventningar og håp brest, og ny frykt veks fram. Er parforholdet sterkt nok til å tole det? Dette er eit stykke som dykkar inn i angsten og sjalusiens irrgangar.
Med sin heilt spesielle nerve og stil fangar Jon Fosse både det kvardagslege og det universelle, og borer med lett hand djupt i store tema som håp, liv og død. Han er den mest spelte norske dramatikaren etter Henrik Ibsen med over 1000 oppsetjingar verda over på meir enn 50 språk. Fosse debuterte som dramatikar på DNS i 1994 med «Og aldri skal vi skiljast», og han fekk sitt store internasjonale gjennombrot med «Nokon kjem til å kome» 1999 i Paris. Jon Fosse vart i 2023 tildelt Nobelprisen i litteratur.
Av Jon Fosse
Regi: Terje Skonseng Naudeer
Medvirkende
Regi: Terje Skonseng Naudeer I Lysdesign: Gyril Høgberg I Lyddesign/komponist: Kjetil Schjander Luhr I Dramaturg: Lillian Bikset.
Inspisient: Helene Kragh Coles I Lystekniker: Thale Tollefsen I Lydtekniker: Tor Endre Kalvenes.